想擺脫萬年髮型但係唔想中伏，平時又唔想花太多時間打理頭髮，可以試吓燙髮造型，懶得嚟擁有與別不同嘅型男風格！至於應該點做一個啱你嘅燙髮，一定要睇到最後：
一切由了解自己面形開始
有啲髮型明明見人整就好型，點解自己照跟就出事？其實你要先了解自己嘅面型！
1. 鵝蛋面 –圓滑細長、比例平均嘅細面，可以話係得天獨厚，任何髮型都CARRY到
2. 方形面 – 眼部以及臉頰的部分較寬，因為臉型較大，因此適合乾淨、較短、俐落、陽剛的髮型
3. 長形面 – 一個字長。臉太長可以利用瀏海修飾臉型，唔好將頭髮梳得太高否則長過長城
4. 圓形面 – 愈嚟愈多人擁有嘅面型，大多後天而成。適合高、有分量嘅髮型嚟拉返長塊面
5. 三角形面— 額頭較窄、臉頰較寬，適合有分量、有瀏海嘅髮型嚟增加額頭寬度，修飾臉型
6. 鑽石面 – 尖又窄嘅下巴，顴骨頗高；適合髮量較多、較長嘅造型
7. 心形面 – 闊額頭尖下巴，適合修飾闊額嘅髮型
除咗面形之外，根據你嘅頭髮狀態、生活習慣甚至你嘅個人性格都會有唔同嘅髮型配合。
三種燙髮適合唔同面型
搵到自己嘅面型之後，可以試下以下幾種燙髮造型：
1. 露額微卷燙髮 (最適合鵝蛋面、方形面、圓形面)
露額髮型對於五官嘅帥氣展現好有幫助，同時亦適合髮線唔高嘅男士；由於呢髮型嘅形狀已經定好，平時只需要輕輕用髮膠定型就可以！
2. 逗號瀏海紋理燙髮 (最適合鵝蛋面、長形面、心形面)
韓味十足嘅逗號瀏海有修飾面形嘅功能，令頂部顯得有份量再調整瀏海嘅角度，以表現其他髮型少見嘅立體感，即使懶打理亦可以展現凌亂美！
3. 長中分燙髮（最適合鵝蛋面、三角形面、鑽石面）
通過燙髮來改變發尾嘅流向同髮型嘅蓬鬆度，令長長嘅瀏海更添型格魅力，展現出獨特嘅個性同風格，簡單梳理就可以得到別人難以擁有嘅吸睛度！
幾長先可以燙，幾長先至好睇?
一般頭髮長度由5CM左右開始就可以燙髮，大概就係用食指將頭髮打圈，一圈半至兩圈；而頭髮唔同長度都可以營造唔同嘅造型，就睇你嘅髮質支唔支持到！以中分燙髮為例，由短至長嘅燙效果就係咁（見圖），可以按你嘅衣著風格或者個人喜好而變化！
燙髮常見問題
Q: 做一次燙髮效果維持到幾耐？
A: 隨著新嘅頭髮由髮根長出，大約6-8星期左右就會失去燙髮設計嘅效果
Q: 平時出街可以點打理？
A: 假如你係堅懶，其實就咁出街已經可以；但係如果你有對完美嘅追求，建議你可以先濕髮再用造型品，又或者自然吹乾就好
Q燙完髮頭髮會唔會好傷，要點護理？
A: 其實燙完髮之後唔會有「好傷」嘅情況出現，反而係一般嘅男士都冇用護髮素嘅習慣，只要燙髮恢復返用護髮素就可以！
Comments